Ål kommune

Er du omgjengeleg, omsorgsfull og vil du bidra med din fagkompetanse?

Helsefagarbeidar – nattenesta

Ønskjer du utfordrande, varierte, interessante arbeidsoppgåver og gode kollegaer?

Ønskjer du å yte tenester med fokus på fagleg kvalitet i trygge rammer for både tilsette og tenestemottakarar?

Me har behov for fleire helsefagarbeidarar på avdeling Gjestetunet – nattenesta.

Ål kommune ønskjer å tilsette i opptil 100 % faste og midlertidige stillingar. Annan stillingsstorleik kan avtalast ved tilsetting. Me ønskjer oss kollegaer med gode omsorgsevner, som er endringsorienterte og som trivst med å jobbe mot felles mål.

Som tilsett i Ål kommune blir du en del av eit team som vektlegg gode dagar, trivsel og kvalitet i møte med pasientar, pårørande og kollegaer. Du vil ha gode kollegaer rundt deg som står klar for å hjelpe og støtte deg.

Det blir lagt til rette for at du kan vidareutvikle din kunnskap gjennom god opplæring, internkurs og vidareutdanning.

Er du nyutdanna, er du velkomen til å søkje – me tek godt i mot nytilsette – her hjå oss får du god opplæring og rettleiing. Me legg til rette for å vere eit lærande hus for elevar og studentar.

Om nattenesta:

Nattenesta er knytt til avdeling Gjestetunet. Nattenesta yter tenester til bebuarar på både, kort- og langtidsavdelinga, samt til heimebuande i Ål kommune.
Vi har stort fokus på fag, kvalitet og utvikling. Du kan rekne med ein variert og spennande jobb – i eit arbeidsmiljø med engasjerte og fagleg dyktige medarbeidarar.

Arbeidsoppgåver:

Du vil bidra til å sikre at våre tenestemottakarar får den beste omsorgen gjennom natta med å:

• gje heilskapeleg omsorg og pleie
• observere og i samarbeid med sjukepleiar lage gode pleie- og tiltaksplanar
• medikamenthandtering etter gjeldande prosedyre
• vere trygg og støttande helsepersonell
• rykke ut ved alarmar
• kontinuerleg forbetrings- og utviklingsarbeid
• dokumentasjon og journalføring dokumentasjon i samsvar med gjeldande lover, forskrifter og retningsliner. Ål kommune nyttar Gerica som journalsystem

Me ønskjer å jobbe med deg som

• har autorisasjon som helsefagarbeidar eller hjelpepleiar, gjerne med relevant vidareutdanning
  søkjarar under relevant utdanning, eller med relevant erfaring kan bli vurdert
• har, eller er villig til å skaffe deg godkjent kurs i medikamenthandtering
  førarkort kl B
• er raus, fleksibel, samarbeidsvillig og har evne til nytenking
• har gode samarbeids- og kommunikasjonsevner og har evne til å skape tillit
• er pliktoppfyllande, påliteleg, lojal og grundig
• trivst med utfordringar og er løysingsorientert
• har gode norskkunnskapar og datakunnskapar
• du må vere fylt 18 år

Det blir lagt stor vekt på personlege eigenskapar.

Me tilbyr

• positive og trivelege kollegaer i eit godt arbeidsmiljø
• natturnus med 9 t arbeidstid, men det jobbast med å få plass frivillig langvakt
• fagleg spennande, utfordrande og varierte arbeidsoppgåver
• høgt fagleg nivå og god fagdekking
• høve til fagleg og personleg utvikling
• tilrettelagde og nye lokale
• hjelp til å skaffe bustad
• fadderordning
• rabattert pris på treningssenter
• lønn etter gjeldande tariffavtale og gunstige lokale tillegg
• pensjonsordning i KLP

Vil du vite meir om å flytte, bu og jobbe i Ål? Meir info finn du vår heimeside.

Politiattest og søknad

• den som vert tilsett må legge fram politiattest ikkje eldre enn tre månader
• intervju og tilsetting kan skje fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista
• vitnemål og attestar legg du inn saman med søknaden.

Ta gjerne kontakt med oss.

Velkommen som søkjar

Søk på stillingen her.

Jobbtype: Fast

Heiltid/Deltid: Heiltid

Arbeidstid: Skift/turnus

Søknadsfrist: 30.03.2025

Arbeidsstad: Avdeling Gjestetunet

Kontaktpersonar:

Theodora Nieuwhof

Stilling: Konstituert avdelingsleiar

mob: 473 23 689

Heimeside:

www.aal.kommune.no

Adresse:

Torget 1 3570 ÅL

Ål kommune Oppvekstsektoren

Ål kommune har ein desentralisert barnehage- og skulestruktur med både små og litt større skular og barnehagar. Frå 8. trinn blir alle elevane samla på Ål ungdomsskule. Gjennom målretta arbeid med kompetanseutvikling og lokale handlingsplanar, ynskjer kommunen å utvikle gode profesjonsfellesskap i barnehagane og skulane våre. «Betre læring» er vår lokale oppvekstplan og visjonen er «Alle som veks opp i Ål skal bli rotfaste og flygedyktige». Hovudmålsettinga «I eit inkluderande oppvekstmiljø der alle ser og blir sett, får kvar einskilld kraft til å meistre eigne liv» skal vere grunnleggande for drifta i sektoren.

Hallingdal er ein spennande møteplass mellom aust og vest, med eit rikt mangfald av arbeidsplassar og fritidstilbod. Dette er draumeplassen for deg som likar friluftsliv, kultur og eit kortreist og køfritt kvardagsliv. Her gjev naturopplevingar sommar og vinter, kulturopplevingar og eit stort tal arrangement grunnlaget for det gode liv!

Ål kommune vart kåra til både Årets kulturkommune og Årets nynorskkommune i 2021!

Del stillingen

Selskap

Lenke til firma

Kategorier

Kontaktinfo

Lokasjon

Søknadsfrist