bjornafjorden-kyrkjelege-fellesrad-kyrkjeverje-soknadsfrist-24-08-2025

Alle stillinger
Ledelse / Administrasjon
Helse og omsorg
Utdanning / Oppvekst
Teknisk

Bjørnafjorden kyrkjelege fellesråd

Bjørnafjorden kyrkjelege fellesråd – Kyrkjeverje (Søknadsfrist 24.08.2025)

Tilbake til søket Søk her Tilbake til søket Søk her

Del stillingen

Selskap

Bjørnafjorden kyrkjelege fellesråd

Lenke til firma

https://kyrkja.no/bjornafjorden

Kategorier

administrasjon daglig leder fellesråd kirke kirkelig kirkeverge kyrkje kyrkjeleg kyrkjeverje

Kontaktinfo

Hans Einar Markhus
Tittel: Assisterande kyrkjeverje
E-Post:
Mobil/Tlf: 959 36 580

Lars Erik Dalland
Tittel: Fellesrådsleiar
E-Post:
Mobil/Tlf: 930 41 113

Lokasjon

Søknadsfrist

August 24, 2025

Kyrkjeverje

Stillinga som kyrkjeverje i Bjørnafjorden kyrkjelege fellesråd er ledig frå 1. september 2025. Kyrkjeverja er øvste administrative leiar for Den norske kyrkja i Bjørnafjorden kommune, og forvaltar store og viktige verdiar for samfunnet. I hovudsak omfattar dette gravplasstenester for alle våre drygt 26 000 innbyggjarar, arbeidsgjevaransvar for om lag 30 tilsette, samt overordna strategisk og økonomisk ansvar for drift og utvikling av 6 kyrkjer, 1 kapell og 11 gravplassar. Ikkje minst er dette ei nøkkelrolle for utviklinga av folkekyrkja i Bjørnafjorden kommune inn i framtida.

Kommunen har to sokn, Os og Fusa, som begge har kompetente stabar med eigen dagleg leiar, og til saman fire prestar tilknytt sokna. Leiargruppa består av kyrkjeverje, daglege leiarar i Os og Fusa, og driftsleiar som koordinerer vedlikehald, kyrkjetenarar og gravplass-arbeid. Bjørnafjorden høyrer til Fana prosti og Bjørgvin bispedøme, og har godt etablerte samarbeid med desse einingane for nettverk, fagmiljø, utviklingsarbeid og strategisk arbeid for kyrkja i Vestland. Kyrkja i Bjørnafjorden har to kontor i kommunen, plassert i Fjord’n Senter i Eikelandsosen og i Os sokn sitt bygg Tunet Kyrkje- og kultursenter på Osøyro. Kyrkjeverja delar kontortid mellom desse arbeidsstadane.

Bjørnafjorden kyrkjelege fellesråd søkjer ein dyktig leiar til kyrkja i Bjørnafjorden. Dette inneberer gode mellommenneskelege og kommunikative evner, tydeleg og løysingsorientert leiarskap, god økonomisk forståing og stor og allsidig kapasitet. Samstundes trengst struktur og leiarfagleg tyngd for å ta kyrkja inn i framtida. Dette løyser ein ikkje åleine, og vi ser difor etter ein leiar som både kan ta roret, men òg spele på lag med gode krefter i stab, kyrkjelyd, styresmakter og samarbeidspartar.

Dersom intern søkar i organisasjonen vert tilsett, kan dei andre søkjarar til stillinga bli vurdert til annan leiarstilling i fellesrådet.

Søknadsfrist: 24.08.2025
Arbeidsgivar: Bjørnafjorden kyrkjelege fellesråd
Stad: Os
Stillingstittel: Kyrkjeverje
Stillingar: 1
Heiltid/Deltid: Heiltid
Tilsetjingsform: Fast
Stillingsprosent: 100
Webcruiter-ID: 4993951511

Arbeidsoppgaver

Leie og utvikle verksemda i kyrkja i Bjørnafjorden
Ivareta administrative og økonomiske oppgåver delegert frå sokna til fellesrådet
Arbeidsgjevaransvar for dei tilsette
Tilsetting/rekruttering samt oppfølging av tilsette medarbeidarar
Budsjett- og økonomiansvar
Sakshandsaming for fellesrådet og oppfølging av vedtak
Bidra til samhandling og fremme samarbeid mellom aktuelle kyrkjelege organ, samt i dialog med kommunen
Hovudansvarleg for å ivareta kyrkjebygg- og gravplassforvaltninga, og vidare ivareta interesser for sokna inn mot kommunen

Kvalifikasjoner

Relevant utdanning på høgskulenivå med minimum bachelorgrad eller tilsvarande. Relevant realkompetanse kan i ei heilskapsvurdering vega opp for manglande formell utdanning
Erfaring med personalleiing, økonomistyring, administrasjon og planarbeid
Evne til å arbeide strukturert med komplekse problemstillingar
God formuleringsevne på norsk, både munnleg og skriftleg. Målforma er nynorsk.
Medlem i Den norske kyrkja. Du kan identifisere deg med verdigrunnlaget til kyrkja og visjonen «Meir himmel på jord».

Personlige egenskaper

Gode samarbeidsevner med fokus på lagbygging og koordinering
Evne til å arbeide sjølvstendig og strukturert
Personleg eignaheit vil bli vektlagt
Ein tillitvekkjande relasjonsbyggar som brenn for kyrkja si rolle i lokalsamfunnet og enkeltmenneske sitt liv
Kjennskap til Bjørnafjorden, Den norske kyrkja eller andre relevante tilhøve vil vere ein fordel.

Vi tilbyr

Konkurransedyktige løn- og arbeidsvilkår etter gjeldande avtaleverk og pensjonsordning i KLP
Eit hyggeleg arbeidsfellesskap med engasjerte og kompetente medarbeidarar
Ei spennande leiarstilling for ein allsidig og viktig organisasjon i lokalsamfunnet
Varierte arbeidsdagar og fleksibel arbeidstid

Vi oppmodar alle interesserte til å søke, uansett bakgrunn, og ser på mangfald som ei styrke i både kyrkjelydane og stabane våre.

For å skape grunnlag for godt og trygt miljø for alle, må det leggjast fram politiattest før tilsetting i samsvar med Trossamfunnslovens § 20 og Politiregisterloven § 39, første ledd. Når søknadsfristen er ute, vil det bli utarbeidd offentleg søkjarliste. Ynskje om å bli unntatt frå denne lista må grunngjevast i søknadsportalen, og du vil uansett få ei tilbakemelding på dette. Dersom vi ikkje kan innvilge ditt ynskje, vil det vera mogleg å trekkje søknaden.

Øyro 49, 5200 Os, Norge

Søk her

Kontaktinformasjon

Hans Einar Markhus
Assisterande kyrkjeverje
Telefon:95936580

Lars Erik Dalland
Fellesrådsleiar
Telefon:93041113

Tilbake til søket Søk her Tilbake til søket Søk her

Del stillingen