Lege i spesialisering (LIS2/3), Indremedisin

Søknadsfrist 30. november 2026 Lege og medisin
Søk på stillingen ↗Åpnes hos arbeidsgiver eller original kilde.

Om stillingen

Om stillinga

Vil du spesialisere deg i indremedisin og få brei klinisk erfaring, med tett oppfølging frå erfarne overlegar? Ved Medisinsk avdeling på Stord sjukehus utvidar vi frå ni til ti LIS2/3-stillingar. Stillinga er ledig frå 1. mars 2027.

Vi har ei todeling av vaktdøgnet som gjer at du slepp å arbeide heile døgnvakter. Vi legg godt til rette for at du skal kunne gjennomføre alle anbefalte kurs for di spesialisering innan normert tid. Faste fordjupingsdagar er integrert i den rullerande vaktplanen.

Som LIS 2/3 hos oss deltek du i vaktarbeid på akuttmottaket, i arbeid på sengepost og ved poliklinikk. Du får høve til å ta mykje ansvar, samtidig som du får tett oppfølging av våre erfarne overlegar innan indremedisin, lungemedisin, gastroenterologi, nefrologi og kardiologi.

Hos oss får du oppfylt mange av læringsmåla innan indremedisin, lunge, nyre, gastro og kardiologi. Vi samarbeider med Helse Bergen, der du kan fullføre spesialiseringa di. Dersom du ønsker det, kan vi også leggje til rette for at du fullfører spesialiseringa ved eit anna sjukehus.

  • Utdanningsplan for spesialiseringa
  • Les meir om å jobbe ved Stord sjukehus og bu i Sunnhordland

Kva går jobben ut på?

  • Følgje opp og behandle pasientar i samarbeid med eit tverrfagleg behandlingsteam.
  • Utgreie, behandle og følge opp pasientar på sengepost og i poliklinikk
  • Føre journal og utføre anna dokumentasjonsarbeid
  • Samarbeide med andre faggrupper og avdelingar.
  • Delta i internundervisnings og fagleg utviklingsarbeid.

Kva kompetanse er viktig i denne jobben?

  • Norsk autorisasjon som lege.
  • Gjennomført og godkjent LIS1 innan oppstart for å bli vurdert til stillinga.
  • Erfaring frå spesialisthelsetenesta er eit krav.
  • Du må ha gode grunnleggjande digitale ferdigheiter og evne til å setje deg inn i nye fagsystem og elektroniske pasientjournalar (EPJ).
  • Gode norskkunnskapar, både munnleg og skriftleg.

Kva ser vi etter hos deg?

Hos oss er det viktig at du

  • kommuniserer godt med pasientar, pårørande og kollegaer
  • tek ansvar og ber om rettleiing når du treng det
  • er fagleg engasjert og motivert for å lære
  • samarbeider godt og bidreg til eit godt arbeidsmiljø

Vi legg vekt på personlege eigenskapar.

Kvifor velje oss?

Hos oss blir du ein del av eit breitt indremedisinsk fagmiljø der det er kort veg til støtte, rettleiing og faglege diskusjonar. Du får høve til å utvikle deg, ta ansvar og opparbeide deg brei klinisk erfaring, samtidig som erfarne overlegar følgjer deg tett.

Vi legg til rette for ein arbeidskvardag med gode rammer for fagleg utvikling.

Hos oss får du:

  • ei 10-delt vaktordning og todeling av vaktdøgnet
  • aktiv vakt på sjukehuset og erfarne overlegar i bakvakt
  • faste fordjupingsdagar i arbeidsplanen
  • regelmessig internundervisning
  • gode moglegheiter for fagleg utvikling
  • eit inkluderande og støttande arbeidsmiljø
  • rekrutteringstillegg og gode pensjonsvilkår

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Klar til å søke?

Du sendes videre til arbeidsgiver eller original kilde.

Søk på stillingen ↗
Frist
Søk på stillingen
Design og utvikling avseoweb.Datadrevet digitalbyrå i Bergen