Pedagogisk personell til barnehage, i inntil 100% vikariat 

Om stillingen

Om stillinga

Gulen kommune har ledig eit vikariat i inntil 100% stilling frå snarast mogleg til midten av august 2027. Stillinga er for tida knytt til avdeling Dalsøyra barnehage i eininga Dalsøyra barnehage og skule.

Me søkjer ein barnehagelærar eller ein barne- og ungdomsarbeidar, eventuelt ein søkjar med tilsvarande relevant utdanning. Søkjarar utan relevant utdanning er òg velkomne til å søkje og kan bli vurderte dersom me ikkje får kvalifiserte søkjarar.

Dalsøyra barnehage og skule består av 1-10- skule og barnehageavdelingar på Dalsøyra og i Hovden. Sjå her for meir informasjon om Dalsøyra barnehage.

Ta kontakt med kontaktpersonen i annonsen om du har spørsmål til stillinga!

Barnehagane i Gulen har:

• Fokus på fagleg utvikling i barnehagane, der idear og innspel frå både nyutdanna og erfarne medarbeidarar vert sett på som viktige ressursar
• Relativt små barnehagar – ein ideell arbeidsstad for nyutdanna pedagogar
• Godt arbeidsmiljø
• Tilbod om rettleiing
• Godt nettverksamarbeid mellom pedagogane i dei ulike barnehagane i kommunen

Arbeidsoppgåver

Barnehagelærar

• Planlegge, setje i verk, dokumentere og evaluere det pedagogiske arbeidet i tråd med rammeplanar, lovverk og kommunen sine strategiplanar og fokusområde
• Leie, planlegge og involvere resten av personalet i den daglege drfita av avdelinga, i tillegg til samarbeid med føresette og andre samarbeidspartnarar
• Bidra til rettleiing og opplæring på avdelinga
• Delta i den daglege drifta
• Andre oppgåver som måtte kome til

Barne- og ungdomsarbeidar

• Medverke til at einiga er ei god pedagogisk verksemd
• Medansvar for tilsyn, omsorg og pedagogisk arbeid med barna
• Delta i planlegging, rettleiing, gjennomføring, evaluering og vurdering i verksemda
• Andre oppgåver som måtte kome til

Kvalifikasjonar

Barnehagelærar

• Utdanning som barnehagelærar. Likeverdig med barnehagelærerutdanning er anna treårig pedagogisk utdanning på høgskulenivå med videreutdanning i barnehagepedagogikk.
• Gode norskkunnskapar, både munnleg og skriftleg

Barne- og ungdomsarbeidar

• Fagbrev som barne- og ungdomsarbeidar eller tilsvarande relevant kompetanse. Dersom det ikkje melder seg kvalifiserte søkjarar, kan vi vurdere søkjarar utan godkjend utdanning
• Gode norskkunnskapar, både munnleg og skriftleg

Personlege eigenskapar

• Trivst, kommuniserer og samhandlar godt med borna, føresette, kollegaer og andre samarbeidspartnarar
• Har evne til å sjå kvart enkelt barn, og skape gode og trygge relasjonar med borna
• Kan bidra til eit godt og stabilt arbeidsmiljø for både born og vaksne
• Er strukturert, fleksibel og har gode samarbeidsevner
• Å vere personleg eigna kan verte vektlagt ved tilsetjing

Anna

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest av den som får tilbod om stillinga
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering