Klinikkleiar

Om stillingen

Er du vår nye klinikkleiar i Norheimsund/Odda klinikkområde?

Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis. Vi behandler hovudsakleg prioriterte pasientgrupper, men tar også i mot vaksne, betalande pasientar.

Tannhelsetenesta i Vestland er ein stor og kompleks verksemd med brei fagkompetanse, spesialistfunksjonar, gode forskingsmiljø og med eit sterkt førebyggjande fokus. Samla bidreg dette til gode folkehelse i fylket vårt. Avdelinga har omlag 550 tilsette fordelt på 55 tannklinikkar, ein intern fagstab og kompetansesenteret TkVestland.

God leiing av klinikkane er avgjerande for å sikre drift, effektiv ressursbruk og trygge arbeidsmiljø. No søkjer vi etter ein klinikkleiar som vil vere med å styrkje oppdraget vårt gjennom engasjerande og framtidsretta leiing.

Her får du ei rolle der du tek vare på menneska og bidreg til å utvikle gode, trygge og moderne tenester for dei som treng oss aller mest.

Norheimsund/Odda klinikkområde består av klinikkane Norheimsund , Odda og Lofthus tannklinikk. Lofthus tannklinikk er ein ambuleringsklinikk som betjenast av personell frå Odda.

Norheimsund og Odda tannklinikk er begge to mellomstore klinikkar.

Norheimsund: 3 tannlegar, 3 tannpleiarar og 3 sekretærar, og Odda: 3 tannlegar, 2 tannpleiarar og 3 sekretærar. Tilsammen 17 tilsette

Per i dag er kontorplass for klinikkleder i hovedsak i Norheimsund , men kan og være lokalisert i Odda.

Arbeidsoppgåver

• Ansvar for personalleiing av 17 tilsette, inkludert kompetanseutvikling, medarbeideroppfølging og rekruttering.
• Byggje og vidareutvikle trygge og inkluderande arbeidsmiljø, med vekt på medverknad, samarbeid og kontinuerleg fagleg utvikling.
• Ansvar for budsjett og økonomistyring for eigne klinikkar
• Sørgje for at vedtak, føringar og styringsdokument blir følgde opp og operasjonaliserte i den daglege drifta.
• Syte for at drifta er i tråd med lover og retningslinjer, og følgjer målsetnadane til Vestland tannhelseteneste
• Sikre at klinikkane tilbyr tenester med høg fagleg kvalitet, god pasienttryggleik og profesjonell service.

Som klinikkleiar vil du vere ein aktiv deltakar i områdeleiar si leiargruppe og bidra i strategiske utviklingsprosessar for tannhelseområdet i Vestland fylkeskommune

Kvalifikasjonar

Du må ha:

• relevant høgare utdanning, gjerne innan leiing, administrasjon eller tilsvararande
• erfaring frå leiing, anten i form av personalleiing og/eller fagleiing
• gode norskkunnskapar, både skriftleg og munnleg
• godkjent politiattest

Det er ønskjeleg at du har:

• utdanning innan helsefagleg retning, fortrinnsvis innan tannhelse
• erfaring frå offentlege helsetenester
• erfaring med endring- og omstillingsprosessa

Personlege eigenskapar

Vi søkjer deg som:

• utøver tydeleg, trygg og tillitsbasert leiing.
• evner å skape samhald og felles retning for eininga di.
• byggjer sterke fagmiljø og ein verdibasert kultur, der kvalitet, ansvar og samarbeid står sentralt.
• tek avgjerder og følgjer dei opp og evnar å omsetje planar til handling og resultat.
• er utviklingsorientert og tek initiativ til forbetring.
• byggjer gode relasjonar til pasientar, pårørande, medarbeidarar og eksterne samarbeidspartnarar.

Leiarskapet ditt kan forankrast i verdiane til Vestland fylkeskommune som er kompetent, open og modig.

Vi tilbyr

• ei spanande og variert leiarstilling i eit fagmiljø med høg kompetanse og engasjement.
• deltaking i Vestland fylkeskommune sitt leiarutviklingsprogram.
• eit sterkt leiarfelleskap i tannhelseområdet si leiargruppe.
• løn etter avtale i tråd med Vestland fylkeskommune sin lønspolitikk
• fylkeskommunale tilsetjingsvilkår med gode offentlege forsikrings- og pensjonsordninga

Kontaktinformasjon

Linda Stadheim Valland, klinikkleiar (tannlege), 45485176

Margareth Simonsen Råen, områdeleiar tannhelse, 99021332

Arbeidsstad

Gamle Dalavegen 15

5600 Norheimsund

Nøkkelinformasjon:

Arbeidsgivar: Vestland fylkeskommune

Referansenr.: 5205673300

Stillingsprosent: 100%

Fast

Søknadsfrist: 29.11.2026