Fastlege og kommuneoverlege i Nordsjøturnus

Solund Søknadsfrist 10. desember 2026 Lege og medisin
Søk på stillingen ↗Åpnes hos arbeidsgiver eller original kilde.

Om stillingen

Vil du arbeide som lege i ein unik øykommune med brei allmennmedisinsk praksis, sjølvstendige arbeidsoppgåver og gode friperiodar mellom vaktperiodane?

Solund kommune har ledige legestillingar og søkjer engasjerte legar som ønskjer ei variert og spennande stilling i eit godt fagmiljø.

Ledige stillingar

Kommuneoverlege i 40 % stilling

Stillinga omfattar kommuneoverlegeoppgåver kombinert med klinisk arbeid som fastlege. Om lag 33 % av stillinga er knytt til fastlegearbeid, medan 7 % er kommuneoverlegeoppgåver.

Turnusen er organisert med to veker på og fire veker fri.

Fastlege i 16,67 % stilling

Turnusen er organisert med ei veke på og fem veker fri.

Om legekontoret

Legekontoret ligg på Hardbakke i Solund Helsetun, der fleire av kommunen sine helse- og omsorgstenester er samla under eitt tak.

Solund kommune har eiga legevaktordning. I vaktperioden har legen ansvar for både legekontor på dagtid og legevakt på kveld, natt og helg.

Vaktene er organiserte i vaktklasse 1 med takst 15. Det er éin lege på vakt til kvar tid i den etablerte Nordsjøturnusen.

Kommunen er knytt til legevaktsentralen i Førde og har ein velutstyrt ambulansebåt stasjonert i kommunen, i tillegg til heildøgnsbemanna ambulansebil. Legen har god støtte frå ambulansetenesta under vakt.

Lokalsjukehus er Førde sentralsjukehus, medan spesialistressursane ved Haukeland universitetssjukehus vert nytta ved behov.

Kommunen har eiga KAD-seng knytt til institusjonstenesta.

Ved legekontoret er det tilsett legesekretær og sjukepleiar i til saman 120 % stilling.

Arbeidsoppgåver

  • Legekontor på dagtid
  • Legevakt
  • Fastlegeliste
  • Helsestasjon og skulehelseteneste
  • Tilsynslege ved institusjon

Kommuneoverlegen har i tillegg ansvar for

  • Medisinskfagleg rådgjeving for kommunen
  • Folkehelsearbeid
  • Smittevern
  • Medisinskfagleg ansvar for legevaktstenesta

Kvalifikasjonar

  • Norsk autorisasjon som lege
  • Spesialist i allmennmedisin, eller påbegynt spesialisering innan allmennmedisin
  • Erfaring frå legevakt og akuttmedisin er ein fordel
  • God munnleg og skriftleg framstillingsevne på norsk
  • Førarkort klasse B

Personlege eigenskapar

Vi ser etter deg som:

  • arbeider sjølvstendig og strukturert
  • har gode samarbeidsevner
  • er fagleg trygg og løysingsorientert
  • trivst med eit breitt medisinsk ansvarsområde

Det vert lagt vekt på personlege eigenskapar ved tilsetjing.

Vi tilbyr

  • Ei variert og spennande legestilling i ein kommune med korte avstandar og tett samarbeid mellom tenestene
  • Eit godt fagleg og sosialt arbeidsmiljø
  • Brei allmennmedisinsk praksis med stor grad av fagleg sjølvstende
  • Gode pensjons- og forsikringsordningar
  • Løn etter avtale
  • Bustad i vaktperiodar
  • Reisegodtgjersle til og frå vaktperiodar

Nynorsk er administrasjonsspråk i Solund kommune.

Anna informasjon

I tråd med helsepersonellova er det krav om godkjend politiattest og utfylte MRSA- og tuberkuloseskjema før tilsetjing.

Attestar og vitnemål skal leggjast fram før eller ved intervju.

Kontaktinformasjon

Leif M. Skjærstad Kommunelege 1 Tlf. 57 78 62 81

Marit Andersen Nesse Helse- og omsorgsleiar Tlf. 412 91 139

Slik søkjer du

Søknad med CV skal sendast via kommunen sitt rekrutteringssystem innan søknadsfristen.

Solund kommune har vurdert marknadsføring av stillinga og ønskjer berre kontakt med søkjarar.

Klar til å søke?

Du sendes videre til arbeidsgiver eller original kilde.

Søk på stillingen ↗
Frist
Søk på stillingen
Design og utvikling avseoweb.Datadrevet digitalbyrå i Bergen