Avdelingsleder teknologi- og industrifag/elektro og datateknologi

Om stillingen

Vil du setje retning og bidra med å utvikle framtidsretta vidaregåande opplæring?

Vestland fylkeskommune søkjer ein engasjert, utviklingsorientert og tydeleg avdelingsleiar til Åsane videregående skule. Avdelingsleiar må ha evne og vilje til å vidareutvikle skulen og kvaliteten i opplæringa innan avdeling for teknologi- og industrifag og elektro og datateknologi. Vi har som ambisjon og målsetjing at alle elevar som tar til i vidaregåande skule skal fullføra, og at opplæringstilbodet heile tida vert forbetra.

Det er forventa at avdelingsleiar er ein aktiv bidragsytar og vil medverke til å oppfylle samfunnsoppdraget: Vi set retning, engasjerer og samhandlar for å utvikle gode tenester og eit framtidsretta Vestland.

Den som vert tilsett har ein fagleg bakgrunn innan elektrofag eller teknologifag.

Arbeidsoppgåver

• Bidra med å utvikle skulen og avdelinga i samsvar med mål og visjon for skuleeigar
• Sikre eit trygt og godt skulemiljø og god medverknad frå elevane
• Sikre eit godt arbeidsmiljø for dei tilsette, fagleg utvikling, god medverknad og kulturbygging
• Bidra til å vidareutvikle leiargruppa som eit samla og effektivt team
• Leie strategi- og utviklingsprosessar i avdelinga
• Leie avdelinga sitt pedagogiske utviklingsarbeid og kompetanseutvikling
• Personalleiing
• Ivareta medverknad mot arbeids- og næringsliv, opplæringskontor og andre samarbeidspartar
• Økonomistyring

Kvalifikasjonar

Den som vert tilsett må stette dei formelle krava i Opplæringslova § 17-2. Leiing Skolen skal ha ei leiing som er fagleg, pedagogisk og administrativt forsvarleg.

Det er ønskjeleg at du:

• har gode leiareigenskapar, relevant leiarerfaring og leiarutdanning
• set elevane si læring og deira utvikling i sentrum for skulen sitt arbeid
• byggjer eit sterkt fagleg profesjonsfellesskap og ein verdibasert kultur som heile tida søkjer vidare utvikling
• vidareutviklar godt arbeidsmiljø og ytringsklima for tillit og samhandling
• har god kjennskap til vidaregåande opplæring og relevant erfaring
• markerer skulen som ein sentral utdanningsinstitusjon i lokalmiljøet og arbeider heilskapleg og forpliktande saman med lokalt arbeidsliv
• opptrer tydeleg som arbeidsgivar og gjennomfører politiske og administrative vedtak
• har praksis frå utviklingsarbeid og god gjennomføringsevne
• forståing for god økonomistyring
• har ein fagleg bakgrunn innan elektrofag eller teknologifag.

Erfaring utanfor opplæringssektoren kan òg vektleggjast.

Personlege eigenskapar

Din leiingspraksis er kjenneteikna av at du er:

• open, nytenkjande og byggjer relasjonar prega av tillit
• har evne til å skape tryggleik i krevjande situasjonar
• har gode samarbeidsevner og er samlande, sosial og inkluderande
• har evne til å arbeide målretta, systematisk og løysingsfokusert

Vi tilbyr

• givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse
• ein raus organisasjonskultur der vi vil kvarandre vel, ser kvarandre og bidrar til fellesskapet
• deltaking og fellesskap i rektorkollegiet og leiarutviklingsprogram
• løn etter avtale fylkeskommunale tilsetjingsvilkår med gode pensjons- og forsikringsordningar

Vestland fylkeskommune legg vekt på godt samarbeid, tett dialog og oppfølging.

Tilsetting skjer på grunnlag av lov- og avtaleverk og føreset godkjent politiattest.

Kontaktinformasjon

Jens-Petter Storheim, rektor , 90187612

Kerstin Solveig Karlsen, ass. rektor , 47848147

Arbeidsstad

Åsane senter 52

5116 Ulset

Nøkkelinformasjon:

Arbeidsgivar: Vestland fylkeskommune

Referansenr.: 5208929597

Stillingsprosent: 100%

Fast

Søknadsfrist: 29.11.2026