Juridisk rådgjevar 100% fast stilling

Vi søkjer deg som vil jobbe i ei barnevernteneste med høg kvalitet og fokus på utviklingsarbeid.

Er du:
• engasjert i heilskapleg tenking kring barn og familiar
• fleksibel og løysingsorientert
• glad i å spele på lag og oppteken av å vere ein god lagspelar

Då treng vi deg i teamet vårt!

Om avdelinga:

Barneverntenesta er organisert saman med skule, barnehage, helsestasjon og PPT under kommunalsjef for Oppvekst. Barneverntenesta omfattar 60 stillingar og er inndelt i team.
I tenesta er det stort fokus på å utvikle sjølvstende gjennom teamarbeid. Vidareutvikling av samhandlingskompetanse på tvers av dei ulike hjelpeinstansane skal gjennomsyre kommunen sitt samla tenestetilbod.

Arbeidsoppgåver:

• Sakshandsaming og klagehandsaming i tråd med lov om barnevernstenester
• Sakshandsaming av innsynsbegjæringar
• Råd og rettleiing i juridiske problemstillingar til leiarar og tilsette i tenesta
• Juridisk bistand i beslutningsprosessar
• Internkontroll, opplæring, rutineutvikling og avvikshandtering

Juridisk rådgivar vil ha eit fagleg fellesskap med kommuneadvokaten, i den forstand at rettleiing i utgangspunktet blir utført av kommuneadvokaten.

Arbeidsoppgåvene skal utførast innanfor fleksibel arbeidstid. Arbeid på ettermiddag og kveld må påreknast.

Kvalifikasjonar:

Må ha:

• Bestått juridisk embetseksamen/master i rettsvitskap
• Arbeidsoppgåvene føreset godt skjønn og djup forståing av juss
• Gyldig politiattest ved tiltreding
• God munnleg og skriftleg framstillingsevne på norsk
• Førarkort klasse B

Ønskjeleg med:

• Relevant erfaring frå barnevern eller annan relevant forvaltningserfaring
• Grunnleggjande IKT-kompetanse

Personlege eigenskapar:

• Du er nøyaktig og kvalitetsmedviten
• Du har høg grad av respekt for menneske i vanskelege livssituasjonar
• Du er fleksibel og har gode samarbeidsevner
• Du toler høgt arbeidspress og arbeid etter lovpålagde fristar
• Du evnar å jobbe heilskapleg og strukturert, både sjølvstendig og i team
• Det blir lagt avgjerande vekt på kven du er som person og korleis du passar inn i personalgruppa vår.

Vi tilbyr:

• Tett rettleiing frå kommuneadvokat
• Gode pensjons- og forsikringsordningar
• IA-bedrift
• Fleksitidsordning
• Motiverte og kunnskapsrike kollegaer i eit godt fagmiljø
• Interessante utfordringar
• Høve til fagleg og personleg utvikling

Kontakt:

Einingsleiar Hege Gundersen, tlf. 934 84 846
E-post: [email protected]

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.

Søk her

Fylke: Vestland
Jobbtype: Fast
Heiltid/Deltid: Heiltid
Arbeidstid: Varierande arbeidstid
Søknadsfrist: 02.01.2026
Tiltreding: 01.02.2025 eller etter avtale
Arbeidsstad: Straume

Kontaktpersonar:

Hege Gundersen
mob: +47 93484846

Heimeside:

oygarden.kommune.no

Adresse:

Øygarden rådhus, Foldnesvegen 1 5354 Straume

Øygarden kommune

Øygarden kommune er den nest største kommunen i Vestland fylke med om lag 39 850 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet.
Administrasjonsspråket i Øygarden er nynorsk.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.

Del stillingen

Selskap

Lenke til firma

Kategorier

Kontaktinfo

Lokasjon

Søknadsfrist