Stord kyrkjelege fellesråd søkjer kyrkjeverje/ dagleg leiar i 100% stilling. Me ønskjer ein engasjert person som kan vera med å utvikla kyrkja på Stord.

Stord kommune ligg sentralt i vakre Sunnhordland, og har om lag 19.300 innbyggjarar. Fellesrådsområdet femner om Stord og Nysæter sokn, med 2 kyrkjer og Huglo bedehuskapell. Fellesrådet er arbeidsgjevar for 18 tilsette; diakon, kyrkjemusikarar, kyrkjelydspedagogar, gravplasstilsette, kyrkjetenarar og administrativt personale, til saman om lag 12 årsverk. I tillegg er det 3 prestar. Administrasjonsmålet er nynorsk. KYRKJEVERJE/DAGLEG LEIAR Me ser etter ein leiar som

• Vil vera med å vidareutvikla kyrkja som ein open, inkluderande og relevant aktør i Stordsamfunnet

• Har relevant utdanning og/eller realkompetanse innan leiing og økonomi

• Har erfaring som leiar

• Har gode kommunikasjonsevner både skrifteleg og munnleg

• Er entusiastisk og har evne til å motivera og inspirera både tilsette og frivillige
• Kan kombinera strategisk tenking med gjennomføringsevne

• Har forståing for kyrkja sitt oppdrag og verdigrunnlag

• Personlege føresetnader og motivasjon for stillinga vil bli vektlagt

Me kan tilby

• Utfordrande og meiningsfylte arbeidsoppgåver i eit godt, tverrfagleg stabsfellesskap med kompetente og engasjerte medarbeidarar

• Fagleg og personleg utvikling

• Pensjonsordning i KLP

• Løn og tilsetjing etter avtale.

Kyrkjeverja vert tilsett av fellesrådet og er dagleg leiar for verksemda.

Som kyrkjeverje vil du ha ei viktig rolle i den daglege drifta og i realisering av fellesrådet og sokneråda sine mål og strategiar.

I dette ligg blant anna ansvar for å utvikla organisasjonen sine samla ressursar innan personal, økonomi, forvaltning av bygg og anlegg, inkl. gravplassar.

Arbeidsstad er kyrkjekontoret i Sæ 21 i Leirvik sentrum.

Nærare opplysningar om stillinga kan ein få ved å venda seg til fellesrådsleiar Dag Sele, tlf. 913 13 745, kyrkjeverje/dagleg leiar, Liv Kari Bru, tlf. 473 50 754, eller via e-post til: [email protected]

Søknad med CV og referansar vert å senda til [email protected]

Søknadsfrist: 16.januar 2026.